Full e discusion di reforma fiscal, ta poni on hold. Tin di compronde y tin reunion pending cu minister Bermudez di esaki, no a wordo gescheduled. Cu esaki ta andando y ta haciendo e cambionan riba dje pa introduci’e den futuro. Den esaki lo bin e balansa cu a wordo priminti den pasado unda cu e gasto di haci negoshi lo baha y cu lo tin un balansa den esaki. Balansa den gasto di haci negoshi y loke bo ta haya a cambio. Tur esey ta riba mesa y ta bezig ta wordo discuti. ATIA mes no a sinta cu minister di finansas ultiom, pero ta wardando un reunion pa haya mas idea. Spera cu esey lo por bin si al fin y al cabo.
Presidente di ATIA, Michel Henriquez, aña pasa kere cu tabata asina leu y na fin door di a haya falta di balansa e no a wordo haci y no lo wak pakico e no por wordo haci prome cu fin di e aña aki, ya cu tabata tin full un aña extra pa por a traha riba dje. E tempo e ley y tur e calculacionnan mester por ta cla pa por introducie debidamente.
Henriquez a splica cu ATIA ta wordo informa pa gobierno riba cierto decisionnan, pero manera den e caso di salario minimo, ta un otro ehempel di esey, unda cu ta un decision contra di conseho y esey ta trece poco desconfiansa entre e miembronan y comercio en general, pasobra no ta sigui conseho y ta tuma e decision riba bo mes of sin consulta of tende otro bandanan.
Henriquez a splica cu pa cuminsa, nan ta drentando den e final prome kwartaal y hopi cos ta tentativo riba posibel reapertura di e refineria of e decision cu lo wordo tuma despues di esey y esey por trece toch algo positivo pa economia di Aruba, si e refineria por habri of e noticia por yega, ta sigur cu ta hopi comerciante lo cuminsa cu nan plannan pa sea haci inversion of algo y tambe un reapertura of redestinacion di e tereno ey, tambe lo haci cu toch lo tin un crecemento economico cu e peso riba comercio estableci awor aki, por ta por baha poco. E aña aki ta persibi un crecemento economico, turismo ta canando su caminda. E tin su retonan, pero en principio si compara cu e region, Aruba ta bon para y ta kere cu e aña aki lo por ta un miho aña cu esun anterior, vooral awo cu e refineria habri of haci algo otro cu e tereno. Ta para ta warda awo kico ta bay pasa, pero si desicionnan wordo tuma con cos lo bay dilanti, por wak crecemento den e pais, Henriquez a finalisa.