Kimberly Boekhoudt directora interino di ATIA durante entrevista a splica un tiki riba e problema cu a surgi cu Douane. E problema cu a cuminsa diahuebs siman a cuminsa cu un welga dilanti di entrada di waf, cu pasa a sigui diabierna mainta.

Esey a afecta e fluho di container cu ta drenta y sali for di waf y esey tambe ta afecta e comerciante y miembronan di ATIA na Aruba. Asina a sinta pa mira kiko por ta e siguiente stap. A reuni cu diferente grupo, como tambe cu Astec y Directie Scheepvaart, hunto cu abogado Maura Brown. A yega na un acuerdo caminda cu lo sinta cu SADA parti merdia pero esey lo ta condiciona e ora pa douane cuminsa na pia di trabao, pa nan reanuda nan trabao y esey a sosode. A dicidi di atende cierto punto y asina Douane a cuminsa su trabou. Merdia a sinta cu directiva di SADA un biaha mas, cu ASTEC, APA y tambe Directie Scheepvaart. Lamentablemente no a yega na un solucion na e momento ey y e ora di parti di ATIA a dicidi di cuminsa un caso tambe, pa hiba nan corte si no yega na un solucion. Diamars anochi a tende cu SADA a dicidi cu nan lo stop di welga y ATIA a trek in e caso, pa e momentonan aki pa wak con e situacion lo sigui y pa wak si nan ta yega na un solucio cu e directiva di Astec. Ta spera cu esey tambe lo ta e caso segun Boekhoudt. E situacion tabata hopi fastioso pasobra tabata tin algun dia di fiesta e siman prome y el a causa mas retrazo riba productonan cu mester a sali. Y riba dje ta pone un dia y mey extra. Pa loke ta e companianan, no tin producto, vooral productonan fresco cu mester ta den supermercado, etc. Den e parti ey ATIA sigur esaki a afecta. E reunionnan lo sigui, sinembargo di parti di ATIA no lo participa. E lo keda den man di directiva di SADA, Douane y Astec pa sigui.

1...images.stories.news.2016.mei.18.IMG_0266 (Large)