Siman pasa diahuebs ATIA a reuni cu algun miembro di fraccion AVP, Sr. Marlon Sneek, Sr. Rene Herde, Sr. Chris Dammers y Sr. Donny Rasmijn. Durante e reunion aki e miembronan di fraccion a sera conoci oficialmente cu e presidente y e directora nobo di ATIA.

Ademas a tuma e oportunidad pa discuti algun tema importante y cu por tin efecto riba e miembronan di ATIA. E temanan aki ta inclui algun decision cu a Sali for di e dialogo social pero nunca a wordo implementa manera palabra. Tambe a discuti temanan mas actual, manera e cambionan cu lo bin en efecto na januari 2017, e tema di pension y tambe proteccion di nos naturalesa y medio ambiente.

E miembronan di parlamento tawata hopi contento cu e reunion y e oportunidad di intercambia ideanan riba diferente topico y a pidi pa reuni riba un base regular pa asina por mantene e dialogo y linjanan di comunicacion habri entre parlamento y ATIA como e bos di comercio.

picture-press-release-atia-meeting-with-avp