Diasabra dia 16 di april ATIA lo tene su seminario riba ‘People Management’ na Universidad di Aruba cu lo cuminsa di 9.00 di mainta pa 2.30 di merdia. ATIA lo ta organisando e seminario aki conhuntamente cu Medwork, Advance Human Resource Services, Corporate Health Solutions, Monica Kock & Partners y PricewaterhouseCoopers. Cuater topico di suma importancia lo wordo trata:

Maneho di Talento: “Con pa retene y desaroya talento den bo compania”
Organisacionnan na Aruba ta enfrenta desafionan pa atrae y retene habilidadnan critico y empleadonan cu tin un rendimento halto debi na un mercado laboral chikito y preta. Ta birando cada biaha mas crucial pa emplea y retene e bon empleadonan. Ora cu bon empleadonan bai, nan conocemento y habilidadnan ta bai cunan. Ora ta trata di e mercado laboral, Aruba ta cambiando rapidamente. Mas y mas tin un competencia abierto pa e miho talentonan di otro companianan. Mientras cu den pasado esaki tawata un practica poco comun na Aruba, esaki no ta e caso mas. Companianan mester cambia nan enfoque pa cu esaki. Maneho di Talento: “Con pa retene y desaroya talento den bo compania” lo wordo trata door di Sra. Charlene Nectar, Sr. HRM Advisor, Trainer & Facilitator di Advance Human Resource Services.

Rekisitonan pa un maneho di verzuim efectivo
Frecuentemente nos ta mira cu dunadonan di trabou ta pensa cu door di entrega nan problemanan di verzuim na un compania specialisa den maneho di verzuim y control ta suficiente. Si nos paga e compania cu ta brinda nos e servicio tur luna, nos no lo tin mas problemanan cu verzuim. Den practica, sin embargo, bo rol como dunado di trabou lo demostra di ta un elemento esencial den e exito di e servicio di maneho di verzuim cu ta wordo duna door di e compania specialisa. Durante e sesion aki lo trata di inicia un cambio di mentalidad pa dunadonan di trabou cu implicacionnan practico ora ta trata di realmente maneha e tema di verzuim efectivamente. Rekisitonan pa un maneho di verzuim efectivo lo wordo trata door di Sra. Angelique van der Horn, Occupational Health Consultant na Medwork y Sr. Tristan Monzon, General Manager na Corporate Health Solutions.

Examen medico den e campo laboral, tin sinti of no?
Un examen medico prome cu emplea un persona parse ta e procedura standard pa emplea un persona nobo na Aruba. Claro, como un dunado di trabou bo kier sa si e persona nobo cu bo ta emplea ta cumpli cu e rekisitonan pa su trabou. Como un entrepreneur bo ta desea di protehe bo negoshi di empleadonan cu ta raporta nan mes malo frecuentemente of no ta fisicamente capacita pa realisa nan trabou den un manera sostenibel. Durante e workshop aki lo pasa door di e aspectonan legal cu ta envolvi den examen medico na trabou. Examen medico den e campo laboral, tin sinti of no? lo wordo trata door di Sr. Anton Isaak, Health Consultant di Medwork hunto cu abogado Sra. Diana Carolina Lopez Paz di Monica Kock & Partners cu lo relata riba e parti legal di e procedimento.

Sistema pa evalua con empleadonan ta funciona
Recientemente, algun compania rond mundo a decidi pa no tin un sistema di evaluacion di rendimento mas. Durante e workshop varios pros and cons di un sistema di maneho di evaluacion lo wordo discuti. Cua ta e bareranan y dificultadnan di un sistema asina y dicon algun compania a dicidi pa no tin un sistema di evaluacion mas? Ademas, lo discuti durante e sesion casonan practico pa haya contesta na e preguntanan aki cu consehonan practico. Sistema pa evalua con empleadonan ta funciona lo wordo trata door di specialistanan di PricewaterhouseCoopers, Sra. Shelby Maduro, Sr. Consultant y Sra. Anna Maduro, Human Resources Manager.

Inscripcion
Mark’e fecha den bo agenda y percura bo forma parti di e seminario aki! Pa inscripcion of mas informacion por tuma contacto cu Marilyn Orman na 582-7593 of email na info@atiaruba.org prome cu 13 di april.