Despues di varios reunion cu partidonan envolvi den e asunto di “all inclusive” y “otro acomodacionnan”, Aruba Trade & Industry Association (ATIA) ta mantene su posicion di ta convenci pa e necesidad pa restringi y regula crecemento di e mercado menciona na Aruba.

ATIA ta di opinion cu esaki ta un topico complica y cu tur partido cu ta directamente envolvi den e asunto di vital importancia pa Aruba, mester coopera pa preveni yega na decisionnan unilateral. Ta haci un yamada na partidonan pa busca e caminda di dialogo y yega na un solucion cu ta na satisfaccion di tur partido y na interes y beneficio di Aruba.   ATIA ta urgi partidonan pa tuma e tempo necesario pa yega na un solucion, sin presion y sin escalacion y dialoga den un ambiente di cooperacion y respet, pa asina logra e mihor decision pa cu e industria mas importante di nos pais.

ATIA Building