Diasabra 16 di april ultimo ATIA a tene su exitoso seminario People Management conhuntamente cu Medwork; Monica Kock &Partners; PWC; Corporate Health Solutions y Advance HR Services. Cuater topico di suma importancia a wordo trata: Maneho di Talento: Con pa retene y desaroya talento den e mercado actual, Rekisitonan pa un maneho di verzuim efectivo, Examen medico den e campo laboral, tin sinti of no? y Sistema pa evalua con empleadonan ta funciona.

Mescos cu e añanan anterior organisacionnan a mustra hopi interes pa e seminario. E interes di participantenan un biaha mas ta grandi pa sigui adkiri mas conocemento, siña di otro y alabes wordo inspira. Cada tema a wordo trata den un manera interactivo den diferente lokaalnan di Universidad di Aruba. Tur participante por a intercambia di idea y experiencia cu otro. E reaccionnan di parti di e participantenan tawata hopi positivo y nos di ATIA por mira atras na un otro seminario exitoso.

Na final di e seminario a rifa entre otro: un tablet pa cortesia di Setar y un gift certificate pa un brunch for two pa cortesia di ATIA. ATIA kier a gradici Setar pa su colaboracion.

Por ultimo, ATIA kier a gradici un biaha mas Medwork, Monica Kock and Partners, PWC, Corporate Health Solutions y Advance HR Services pa nan colaboracion pa por a hasi e seminario aki posibel. ATIA ta spera di por sigui facilita su miembronan y tur esnan interesa cu informacion valioso pa nan negoshi.

070A3696 - PR