Ningun comerciante na Aruba y ATIA sigur no a para kla pa wanta un aumento di salario minimo pa 2.5%. Michel Henriquez, presidente di e instituto a splica cu como ATIA, nan a vocifera esaki caba na gobierno. Tin e Sociaal Economische Raad, cu ta e conseho socio economico cu ta duna conseho pa subi’e cu 1%. Gobierno a pidi nan pa wak un biaha mas y asina mes el a bin bek mescos. Gobierno unilateralmente a dicidi di toch his’e cu 2.5% y comercio no ta looking forward pa subida den e gastonan di haci negoshi na Aruba. Aworaki tin cu biba cu esey.

Henriquez a splica cu no ta ni chikito ni grandi tampoco cu ta wordo paga minimumloon, pero tur gasto cu bin acerca cu hisa e salarionan aki y no ta algo cu comerciantenan cu a traha pe. Si gobiernonan sinta den sapato di e comerciante y tuma e decision unilatermente pa subi’e pa yuda e clase trahado cu por tin comprension pe, pero pesey mes e advies ta bisa hustificadamente por duna 1% y no 2.5%.

No a wak ainda e conseho di Raad van Advies, cu tambe ta suppose di a duna un comentario riba dje, pero di loke a compronde, nan no a desvia di esun di SER tampoco. Esaki un biaha mas, ATIA ta lamenta cu gobierno no ta sigui conseho di e instancianan aki y ta bay riba nan mes pa haci e aumentonan aki y cu lo tin efecto sigur riba cierto negoshinan, vooral esunnan cu ta emplea y ta traha den e bracket di salario aki, Henriquez a comenta.