Siman a habri pa ATIA cu un reunion cu lider di fraccion di MEP, Sra. Eveline Wever-Croes y dos coleganan parlamentario, Sr. Guillfred Besaril y Sr. Chris Romero. Fraccion MEP a pidi e reunion pa sera conoci cu e presidente di hunta y e directora nobo pa intercambia ideanan. ATIA a honra e peticion aki dialuna di e siman aki.

Durante e reunion ATIA a vocifera varios punto di interes pa cu cierto topiconan importante den nos comunidad en general, pero mas en especial den comercio. Temanan manera economia, finanzas publico, cuido medico, proteccion di medio ambiente y criminalidad a wordo tresi dilanti como algun di e puntonan di interes mas grandi pa ATIA como e representante di comercio.

Sra. Eveline Wever-Croes na su turno a comparti algun elemento importante di vision di partido MEP pa cu eleccion den 2017.

E reunion a bai den un ambiente hopi agradabel y ta spera di continua cu e linjanan di comunicacion abierto pa mantene dialogo riba topiconan importante pa comercio y Aruba en general.

picture-press-release-atia-a-reuni-cu-fraccion-mep