E organisacion di comercio y industria di Aruba (ATIA) tin un directiva nobo pa aña 2016-2017. Dos miembro den directiva di aña pasa a baha y a habri caminda pa dos nobo.

Sr. Folkert van der Woude a baha cu pensioen y ATIA ta gradici’e pa su tempo, dedicacion, y trabou realisa durante su participacion den directiva di ATIA. E miembronan di e directiva nobo ta Sr. Tristan Every y Sr. Matthijs Bijen.

E directiva nobo di ATIA ta conta cu 11 miembro procedente di varios segmento den nos comercio y ta consisti di Sr. Michel Henriquez, Sr. Ronnie van Trigt, Sr. Jim Hepple, Sr. Enrique de Cuba, Sr. Ravee Nandwani, Sr. Roland Croes, Sr. Donald de Veer, Sra. Mireille de Miranda, Sra. Gina Habibe-Arends, Sr. Tristan Every y Sr. Matthijs Bijen. E di 71 asamblea general di ATIA a tuma lugar na Surfside Marina, entre miembronan di e organisacion cu a vota unanimamente pa e directiva nobo.

Den un bon ambiente e asamblea e termina cu un panel discussion cual a consisti di Sr. Ewald Biemans, Sr. Glenn Thodé, Sr. Ryan Peterson y Sra. Ronella Tjin Asjoe-Croes hunto cu Minister di Economia, Sr. Mike de Meza riba e topico di un vision a largo plaso pa Aruba y e rol di turismo den un mundo altamente competitivo y cambiando. Cada panelista a contribui cu nan experticio na un panel discussion sumamente interesante.

Aruba Trade and Industry Association, a wordo funda na aña 1945 cu e obhetivo principal pa proteha e interes di su miembronan, promove un ambiente comercial di calidad halto y un clima di inversion riba nos isla. ATIA ta representa directamente y indirectamente via di otro asociacionnan, manera AHATA y WAB, mas di 80% di empleo di sector priva na Aruba. Cu mas di 70 aña di existencia ATIA ta continua cu su aporte na defini un clima socioeconomico di Aruba. ATIA ta situa na Pedro Gallegostraat 6, pa mas informacion tocante miembresia yama 582-7593, bishita www.atiaruba.org of like nos pagina riba facebook:www.facebook.com/arubatrade.

AGM Picture